Бутунжаҳон ҳайвонлар соғлиғини ҳимоя қилиш ташкилотининг Европа минтақавий комиссияси янги таркиби учун бўлиб ўтган сайловларда Ветеринария ва чорвачиликни ривожлантириш давлат қўмитаси раиси ўринбосари – ХЭБ делегати Аброр Акбаров номзоди илгари сурилиб, 69 фоиз овоз берилди. Бугун бутун дунёда COVID-19 туфайли юзага келган мураккаб эпидемик вазият туфайли Бутунжаҳон ҳайвонлар соғлиғини ҳимоя қилиш ташкилоти (Халқаро Эпизоотик Бюро-ХЭБ) ассамблеясининг 88-бош сессияси ўз ишини онлайн тарзда бошлади. Унда Ўзбекистон Республикаси Ветеринария ва чорвачиликни ривожлантириш давлат қўмитаси раиси ўринбосари – ХЭБ делегати Аброр Акбаров раҳбарлигида қўмита вакиллари иштирок этмоқда. Тадбирнинг биринчи кунида ХЭБ Европа минтақавий комиссиясининг онлайн тарздаги
йиғилиши бўлиб ўтди. Йиғилишда 2021 йил илк марта онлайн форматда ўтказилаётган ХЭБ 88-бош сессияси ва унинг доирасида бўлиб ўтиши кўзда тутилаётган тадбирлар хусусида сўз борди. Хусусан, 88-бош сессияда илгари суриладиган,
ХЭБ кодекслари бўйича Европа минтақавий комиссиясининг 53 та аъзо давлатлари умумий позицияси бўйича фикр алмашилди. Эътиборлиси шундаки, қўмита раиси ўринбосари, ХЭБ делегати А.Акбаров номзоди Европа минтақавий комиссияси янги таркиби учун бирламчи сайловларда илгари сурилди ва 69 фоиз овоз билан аъзо мамлакатлар томонидан
маъқулланди. Минтақавий комиссия асосий гуруҳи ХЭБ стандартларини қабул қилишда минтақани қизиқтирган
саволлар борасида умумий позицияни ишлаб чиқади ва жараёнда минтақавий иштирокни яхшилашга интилади. ХЭБ делегатлари Бутунжаҳон ассамблеялари пайтида уларни қабул қилишга Европанинг 53 аъзо давлатлари номидан таклиф киритади. Ўзбекистон вакилларининг аъзолиги минтақа миқёсида амалга оширилаётган соҳага оид сиёсатда янада фаол иштирок этишда имкон яратади. Шу жумладан аъзолик Ўзбекистоннинг соҳага оид миллий манфаатларини, муаммоли масалалар ва долзарб мавзуларни минтақа миқёсида акс эттирилиши ва ҳал этилишида муҳим аҳамият касб этади. Ветеринария ва чорвачиликни ривожлантириш давлат қўмитаси ахборот хизмати
